Сè уште чекам покана. На свадбата ќе донесам марихуана, бидејќи без тоа нема добра забава, рекол раперот Шеги (49). Инаку, кралското семејство го ангажирало раперот да пее на прославата на 92-риот роденден на кралицата Елизабета Втора. И на тој настап, рекол, ќе донесе марихуана.
– Сакам сите добро да се забавуваме – музичарот се пошегувал. Тој додал и дека регето и марихуаната би можеле да му помогнат на човештвото во борбата против тероризмот.
– Мислам дека оние што слушаат таква музика и консумираат марихуана нема никому да му ја отсечат главата – смета Шеги.
Принцот Хари и Меган Маркл ќе се венчаат на 19 мај, во капелата „Сент Џорџ“ во дворецот Виндзор.
