На десет дена до стапувањето на сила на новиот закон за трговија во Хрватска, продавачите се во паника и не знаат како во пракса ќе се применува законот, особено забраната за фрлање на расипливата роба како што е млекото, лебот и месните производи.
Една од целите на законот е да се намали фрлањето на храна која се уште е употреблива. Со законот е забранета досегашната пракса, храната која е пред истек на рокот да им се враќа на произведувачите.
– Што треба да правиме сега со, на пример, непродадениот леб? Да го фрлиме? Да го даваме на некоја трета страна? Доколку остане ова законско решение, ефектот ќе биде таков што продавниците ќе порачуваат помалку од лесно расипливите производи- изјави Милој Рончевиќ, од малопродажната компанија Техно Рон од Загреб.
