Брентон Харисон Тарант кој го изврши терористичкиот напад во две џамии во Нов Зеланд бил и во Грција.
Тој престојувал на островите Крит и Санторини, а дополнително уште два пати поминал низ Грција како транзит зона.
Како што соопшти грчката полиција, во март 2016 тој влегол во Грција од Истанбул и останал неколку дена на споменатите острови.
Низ грчка територија тој транзитирал истата година, на 29 ноември и на 10 декември.
Познато е и дека тој на Балканот бил и во повеќето други земји: Србија, Црна Гора, Хрватска и Босна и Херцеговина. На видеата кој беа објавени од нападот, можеше да се слушне дека терористот слушал и грчка музика.
Во нападот кој го изврши Тарант во двете џамии загинаа 50 луѓе.
