Еден необичен кинески крадец привлече големо внимание на Интернет кога ограбил жена, па потоа ѝ ги вратил парите.
Тој од зад грб ја ограбил жената додека си вадела пари од банкомат.
Таа во паника му дала мала сума, што крадецот не бил задоволен, па посакал уште. Ѝ се заканил со нож и ѝ рекол да подигне уште пари. Кога ја отворила сметката, крадецот почнал да се смее – на неа немало пари.
На крадецот му паднало жал, па ѝ ги вратил украдените пари.
Безбедносните камери го фатиле крадецот како заминува смеејќи се, но сепак, бил уапсен.
