Крушево годинава ќе биде домаќин на 48-от Државен фестивал на непрофесионалниот филм, информираат од крушевската локална самоуправа. Фестивалот треба да се одржи во мај и се очекува да настапат многу перспективни режисери од Македонија. Тие ќе се натпреваруваат во категориите: документарин филм, краток игран филм, експериментален филм, анимиран – цртан филм, едноминутен филм.
Фестивалот е во организација на Кино-сојузот на Македонија и на Народна техника на Македонија, а со поддршка на Агенцијата за филм на Македонија и на општината Крушево.
Според крушевскиот градоначалник Томе Христоски, овој настан е од посебно значење и ќе донесе многу посетители .
-Државниот фестивал на непрофесионален филм оваа година го организираме во Крушево, со поддршка на локалната самоуправа и ќе донесе нови посетители за нашата општина, вели Христоски.
