Земјотрес со интензитет од седум степени според Рихтеровата скала денеска е регистриран на Папуа Нова Гвинеја, соопшти Американскиот геолошки институт.
Епиценатарот на земјотресот бил 180 километри западно од градот Рабаул, на островото Нова Британија, на длабочина од 10 километри.
За сега нема информации за евентуални жртви и за причинета материјална штета. По земјотресот не е издадено ниту предупредување за појава на цунами.
Во земјотресот со интензитет од 7,5 степени што ја погоди Папуа Нова Гвинеја на 26 февруари настрадаа повеќе од сто луѓе.
