Федералните обвинители во Германија денеска поднесоа тужба против 30-годишен Тунижанец и неговата 43-годишна сопруга Германка поради производство на биолошко оружје со кое требало да извршат напад во Германија.
Обвинителството соопшти дека Сиеф Алах Х. и Јасмин Х. биле следбеници на идеологијата на екстремистичката група Исламска држава, и оти купиле повеќе илјади семиња рицинус и развиле отров рицин за да извршат напад на едно јавно место во Германија.
Тие исто така претвориле огномет во експлозив.
Сиеф Алах Х. два пати безуспешно се обидел да отпатува во Сирија во 2017 година за да се приклучи на Исламска држава.
Тој и неговата сопруга биле уапсени во 2018 година во нивниот стан во Келн, каде иследниците пронашле семиња рицинус и рицин заедно со компоненти за изработка на бомби.
