Веста дека Лук Пери им подлегнал на последиците од мозочниот удар го растажила светот, а колегите и обожавателите се збогувале со срцекршачот Дилан Мекеј.
На актерот претходно му биле откриени израстоци поврзани со рак на дебелото црево по еден рутински преглед, а откако се излекувал, се ангажирал за зголемување на свеста за важноста на редовните медицински прегледи.
Пописот на неволји што подоцна им се случиле на ѕвездите од серијата стана значително подолга, а многумина гледаат еден вид проклетство во овој феномен што ја зафатил познатата серија „Беверли хилс 90210“.
Поради тажните, турбулентни, па и бизарни судбини што ги следат актерите на оваа серија, медиумите честопати ја нарекувале „проколната“.
Џени Гарт
Џени која ја оживеа слатката и фатална Кели, со години се борела со депресија и многу се здебелила во текот на тој тежок период. Како причина за нејзиното лошо ментално здравје се наведуваат трите пропаднати бракови.
„Последните неколку години депресивно лежев во креветот. Не се чувствував добро, а ни физички не изгледав добро. Правев сè за да бидам добра мајка, но тоа беше единственото нешто околу кое се трудев“, изјавила таа во една прилика.
Тори Спелинг
Колешката на Џени, Тори Спелинг, попозната како Дона, подлегна на бројни пластични операции и потполно претера со тоа.
Покрај тоа, проблематичниот брак со Дин Мекдермот ја доведе до нервен слом и финансиски крах. Нервното растројство било последица на сознанието дека сопругот и таткото на нејзините пет деца ја изневерувал.
Шенон Доерти
Актерката која се прослави со улогата на Бренда, во која Дилан беше заљубен, со години се борела со рак на дојка. Шенон во 2015 година открила дека и’ е дијагностициран рак на дојка и споделила како се чувствува со своите обожаватели на Инстаграм.
Актерката која е најпозната по улогата во серијата „Волшебнички“ поднела тужба против поранешниот менаџер Стивен Блат, поради тоа што не и’ плаќал осигурување. Тогаш, на суд рекла дека тоа ја спречило да ја добие медицинската нега што би можела да и’ помогне во борбата со оваа тешка болест.
Џејсон Присли
Братот близнак на Бренда, Брендон, кој во серијата го глумел Џејсон Присли, исто така не остварил значителна актерска улога по серијата, но се посветил на некои други интереси, а помеѓу другото и моторџиските трки, кои за малку ќе го чинеле живот.
Имено, во еден момент излетал од патеката и од ударот во ѕид се здобил со тешки повреди и бил клинички мртов 45 секунди.
Подоцна изјавил дека од тој момент повеќе го ценел животот.
Присли поминал и неколку дена во затвор поради возење во пијана состојба.
ФОТО: Принтскрин/Јутјуб
