Како што јави БГНЕС, Борисов и Столтенберг ќе имаат работна вечера на која ќе разговараат за соработката во сферата на безбедноста и одбраната и за стабилноста на регионот на Западен Балкан.
Официјалниот дел од посетата почнува утре со разговор меѓу Борисов и Столтенберг во четири очи, по што ќе се одржи средба на двете делегации.
Во состав на бугарската делегација на средбата ќе бидат и министрите на одбрана и за надворешни работи Красимир Каракачанов и Екатерина Захариева, додека Столтенберг ќе биде придружуван од помошникот генерален секретар за планирање и одбранбена политика Патрик Тарнер и од првиот заменик-директор на неговиот Кабинет, Лоренц Мајер Минеман.
