Како што јави дописничката на МИА од Атина, причините за смртта на војникот дополнително ќе се утврдуваат, но, според грчките медиуми, 24-годишниот Спиридон Томас вчера бил на стража од 13 до 14 и од 19 до 20 часот, по што се вратил во седиштето на Претседателската гарда и легнал да спие. Кога се разбудил, му се слошило по што бил пренесен в болница, каде само била констатирана неговата смрт.
Кабинетот на грчкиот претседател соопшти дека шефот на државата Прокопис Павлопулос разговарал со семејството на починатиот војник и им изразил сочуство.
Погребот на починатиот Томас ќе биде ибршен со сите воени почести.
