Во провинцијата Дијала во северниот дел на Ирак е родена првата седумка на Блискиот Исток. Мајката е 25-годишна жена која со нејзиниот партнер не планирале проширување на семејството.
– Не планиравме проширување на семејството, но ете, сега сме вкупно десетмина – рекол таткото Јусуф Фадл. Шест од бебињата се девојчиња, а едно е момче.
Портпаролот на здравствениот центар во Дијала изјавил дека мајката добро закрепнува, како и сите седум бебиња и додал дека тоа било „едно сосема нормално породување“ во нивната болница.
Инаку, првата седумка во светот е родена во 1997 година во Ајова, САД. Таа седумка, за разлика од оваа, е оплодена по вештачки пат. Сите од нив во 2016 матурираа.
