Претседателот на САД Доналд Трамп го поздрави спроведувањето на смртната казна во Кина за дилерите на дрога, укажувајќи дека САД подобро ќе се справат со шверцот со дрога доколку ги егзекутираат криминалците.
Во Кина дилер на дрога добива нешто „што се нарекува смртна казна. Нашиот дилер на дрога добива нешто што се нарекува „што ќе кажеш за парична казна?, рече Трамп.
– Значи, ако сакаме да сме паметни, можеме да бидеме паметни. Може да се стави крај на проблемот со дрогата. Може да заврши многу побрзо, отколку што мислите – вели тој.
Ова не е првпат американскиот претседател да предложи САД да воведат смртна казна за кривичните дела поврзани со дрога.
Минатиот март, тој предложи САД да воведат смртна казна за нарко-дилерите.
Фото: EPA/JIM LO SCALZO
