Просечната цена на метар квадратен станбена површина во 2017 година изнесувала 41.822 денари, што е за 2,9 проценти помалку во однос на 2016, објави денеска Државниот завод за статистика.
Во Скопје просечната цена на метар квадратен лани изнесувала 43.710 денари, што е за 14 отсто помалку во споредба со 2016 година, а во останатите населени места во Македонија 32.001 денар, што е за 2,2 отсто помалку во споредба со 2016.
Во втората половина од минатата година просечната цена на квадратен метар стан е намалена за 6,2 отсто во однос на првото полугодие, а во Скопје намалувањето изнесува 4,8 отсто.
Наведените просечни цени се без Данок на додадена вредност.
