Сопругот на Мира Стојчевска стана командир во Шумска полиција

По информацијата дека во ист дена во ЕЛЕМ и во РЕК Битола која работи во состав на државната енергетска компанија се вработени нејзиниот син и брат, денеска се споделува и информација дека и нејзиниот сопруг е унапреден во командир на Шумската полиција во Делчево.

4966

Не стивнуваат реакциите на социјалните мрежи по врботувањата на блиски роднини на пратеничката од СДСМ Мира Стојчевска. По информацијата дека во ист ден во ЕЛЕМ и во РЕК Битола која работи во состав на државната енергетска компанија се вработени нејзиниот син и брат, денеска се споделува и информација дека и сопругот на Стојчевска пред еден месец е унапреден во командир на Шумската полиција во Делчево.

Плусинфо го контактираше сопругот на Стојчевска, Ило. Тој не криеше дека е унапреден, но прокоментира дека добил само овластување да ја извршува функцијата командир на шумската полиција во Делчево по оставка на претходникот.

– Заменик командир на шумската полиција од Делчево сум од моето вработување при основањето на шумската полиција. Сега имам добиено само овластување за командир оти претходниот командир даде оставка на функцијата – рече Стојчевски.

Тој не знаеше да каже кога точно го добил овластувањето.

– Мислам дека се случи во јануари, но не се сеќавам кој ден беше. Сепак, за да ја запазиме процедурата, повеќе информации околку ова, побарајте од началничката – рече Стојчевски.

Побаравме одговор и од Министерството за земјоделство каде што ресорно припаѓа шумската полиција кога се случило назначувањето на Стојчевски за командир на шумската полиција, но сѐ уште не добивме одговор.

За пратеничката Мира Стојчевска се зборува и дека е главниот кадровик во Министерството за земјоделство шумарство и водостопанство.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...