Оскаровката Џулиет Бинош ја повика јавноста да стави крај на цензурата на случајот со Харви Вајнстин и додаде дека „правниците треба да си ја вршат својата работа“.
– Се обидувам да се ставам во негова кожа. Мислам дека е доста – изјави Бинош, која е на чело на жири-комисијата на Берлинскиот филмски фестивал.
Актерката додава дека таа немала никакви проблеми кога работела со филмскиот магнат на своите филмови „Чоколадо“ и „Англиски пациент“.
Таа вели дека никогаш немала таков проблем со Вајнстин, но дека забележала оти тој има некакви проблеми.
– Како продуцент, тој беше прекрасен. Сметам дека е одличен продуцент. Не смееме да го заборавиме тоа, иако некои режисери и актери искусија проблеми. Особено актерки. Сакам само да додадам дека му посакувам мир, а вистината ќе излезе на виделина – рекла актерката Бинош.
Вајнстин беше обвинет за сексуално вознемирување од преку 80 жени.
