Двегодишната мачка од расата Мејн Кун од Италија е долга импресивни 120 сантиметри, а тоа е подолго од бејзбол палка.
Необичен рекорд
Големата мачка, по име Баривел, живее во Вигевано, Павија и е крунисана со рекордот „Најдолга жива домашна мачка“, а ова го објави сајтот на „Гинис Ворлд Рекордс“.
Овој необичен рекорд бил верифициран на 22 мај 2018 година, а официјалните вести беа објавени на почетокот на оваа година.
Горди „родители“
Сопствениците на Баривел, Кинси Тинирело и Едгар Скандура, отсекогаш знаеле дека Баривел е посебна мачка.
– За нас тој е посебна мачка бидејќи е срамежлив… кога ќе го видат сите се зачудени, но за нас тој е мал подарок, всушност голем подарок – рекол Едгар.
На локален дијалект, каде што живее Едгар, Баривел значи ковн или џокер. Но покрај неговото име и фактот дека тој е најголема домашна мачка што некогаш ќе ја видите, Едгар вели дека Баривел и не е толку голема личност и е мрзелив. Всушност тој живее размазен живот, јаде многу бисквити, пилешко и риба.
И покрај тоа што Баривел живее исклучиво во домашни услови, тој сепак оди на прошетки и тоа во количка за мачки што изгледа како онаа за деца.
– Луѓето се изненадени кога ќе го видат. Малку е чудно да шеташ мачка надвор и тоа во количка за бебиња – рекол Едгар и додал дека Баривел обожува да се шета надвор во неговата количка.
Баривел станал атракција и е популарен
Покрај невообичаената глетка на Баривел во неговата кабриолет-количка, многумина се изненадени од големината, па на прошетките Кинси и Едгар често застануваат за луѓето да се сликаат со него. Сево ова го инспирирало парот да направат профил на социјалната мрежа Инстаграм.
Многумина не веруваат дека фотографиите се вистински.
– Кога ќе поставиме слика од Баривел, многумина не прашуваат и ни пишуваат во порака дали сме го фотошопирале – рекла Кинси.
За Баривел, светскиот рекорд никогаш не бил недостижен
– Од самиот старт размислувавме за Гинис. Сите го знаевме името „Гинис Ворлд Рекорд“ и бевме возбудени да видиме дали Баривел ќе може да се запише во книгата- велат неговите родители.
Како и да е, запишувањето во „Гинис“ не значи дека тука е крајот за Баривел. Расата Мејн Кун е една од наголемите видови мачки, тие растат до нивната четврта година, а Баривел има само две.
Можно е Баривел да расте уште и да постави нови рекорди.
ФОТО: Инстаграм
