Европската комисија објави тендер за избор на фирма која ќе ги гради трите системи за наводнување Чаушица, Славишко Поле и Колибари.
Овие системи се дел од проектот финансиран од Европската унија за изградба на мали нискотрошковни еколошки прифатливи системи за наводнување.
Од Министерството за земјоделство соопштија дека системот Чаушица кој се наоѓа во Југоисточниот регион ќе опфати наводнување на околу 85 хектари земјоделско земјиште над главниот канал Турија. Со системот Славишко Поле ќе се овозможи наводнување на 200 хектари земјоделска површина, додека преку системот Колибари кој е југозападниот плански регион и ќе се наводнуваат 162 хектари обработливо земјоделско земјиште.
Со проектот на ЕУ „Мали нискотрошковни, еколошки прифатливи системи за наводнување“ е предвидена изработка на проектна документација за изградба на 8 мали системи за наводнување на неколку локации во државата.
