Во текот на овој месец треба да се роди третото бебе на принцот Вилијам и војвотката Кејт од Кембриџ, а принцот Џорџ и принцезата Шарлот ќе добијат нови обврски со доаѓањето на бебето на свет.
Меѓутоа, најзагрозена во оваа ситуација е самата принцеза Шарлот, а нејзиниот ред за кралскиот трон зависи токму од полот на бебето.
Според кралската традиција и легислатива, редот на тронот се добива со возраста, односно најстарото машко дете добива предност, а по него неговите машки деца, според возраста. Токму со овој кралски акт, принцот Хари во редот се наоѓа дури по малата Шарлот.
Сепак, доколку новото бебе е машко, тогаш тоа го презема редот на Шарлот, без разлика на возраста. Доколку се случи тоа, тогаш ќе биде прв случај во кој женски член на кралското семејство го препушта редот на тронот на својот помлад брат.
