Договорот за излез на Велика Британија од ЕУ нема да се смени со доаѓањето на нов премиер во Лондон, изјави денеска во Брисел претседателот на Европската комисија во заминување, Жан-Клод Јункер.
Тој нагласи дека ЕУ одбива да преговара за нов договор, а од друга страна кандидатите на Конзервативната партија, кои се во трка за наследник на Тереза Меј, наведуваат дека ќе побараат нов договор.
– Повеќе месеци имам впечаток дека интересот на политичките претставници во Велика Британија бил само како да се замени премиерката Меј, а не како да постигнат договор со Унијата – истакна Јункер.
Според него, не станува збор за договор меѓу Меј и Јункер, туку меѓу Европската унија и Велика Британија.
– Кој да биде избран за иден премиер ќе мора да го почитува овој договор. Нема да има нови преговори – потенцира актуелниот претседател на ЕК
