Претседателот на Црна Гора, Мило Ѓукановиќ изјави дека „одредени кругови во Србија, вклучително и носители на државната власт, но првенствено медиумски, националистички кругови и Српската православна црква (СПЦ), последнава година се обидуваат да ги заострат односите со Црна Гора за да и го оспорат правото да донесува одлуки во согласност со своите интереси“, јави агенцијата ФЕНА.
Ѓукановиќ на јавниот ТВ сервис рече дека Србија последните години ги заострува односите со соседите – со Загреб, Приштина, па и со Подгорица.
– Еден дел од релевантната јавност на Србија никако да сфати дека Црна Гора не носи просрпски и антисрпски одлуки, туку одлуки кои се во интерес на Црна Гора. Со последните постапки на Србија се доведува во прашање нешто што сите го сметавме за добар почеток на добрососедските односи- рече Ѓукановиќ.
Тој смета дека се уште не треба да се зборува за целосно свртување на српската државна политика кон Русија.
– Јасно е дека руските интереси не се за тоа Балканот динамично да напредува кон европските, а особено кон евроатланските интеграции. Засега Русите се само против интеграциите во НАТО, иако за мене е сосема јасно дека тие се и против интеграцијата на регионот во ЕУ- истакна Ѓукановиќ.
Тој оцени дека Црна Гора денес има неспоредливо поголем имунитет и способност да се заштити отколку што го имаше претходно
