Драган Човиќ, член на босанското колективно Претседателство од редовите на хрватската заедница, денеска изјави дека положбата на Хрватите во Босна е комплицирана и дека државата не е организирана согласно потребите на Хрватите.
– Хрватите се најмалубројни од трите конститутивни народи на Босна и Херцеговина, и државата не е формирана по мерка на хрватскиот народ. Дејтонскиот мировен договор ја запре војната, но ја остави Босна со два ентитети, и три конститутивни народи, каде најмалубројниот народ, Хрватите, мораат да го бараат своето место во услови каде никој нема разбирање за нас – изјави Човиќ при посетата на Вуковар.
Повеќе босански политичари изминатите денови изнесуваа слични изјави, откако претседателите на Србија и Косово, Александар Вучиќ и Хашим Тачи, го отворија прашањето за прецртување на границата со цел да се добијат две етнички хомогени држави.
