Членови на „Правда за Давид“ повторно на плоштадот во Бања Лука, две лица приведени

62
FOTO MIA

Две лица вечерва се приведени на плоштадот „Краина“ во Бања Лука, откако полицијата на 30. декември забрани собирања на групата „Правда за Давид“, објави босански „Фактор“.

Како што се наведува, членовите на групата „Правда за Давид“ дошле на плоштадот откако запалиле свеќи пред храмот „Христос Спасителот“ во 18 часот.

Според очевидци, при приведувањето, едниот маж изјавил дека е Словенец и дека туристички е во Бања Лука. Другиот стоел на плоштадот со стисната песница, по што му пришле полицајците и го одвеле со службено возило.

– Се се случи за неколку минути. Само десетина секунди откако луѓето стоеја на плоштадот, се појавија десетина полицајци и се случија приведувањата, изјави еден од членовите на „Правда за Давид“, група граѓани кои со месеци протестираат, барајќи да се разјаснат околностите под кои трагично загина младиот Давид Драгичевиќ.

Полицијата не соопшти детали за настанот.

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...