Четири лица настрадаа на швајцарските Алпи, додека пет лица се во критична состојба, соопшти полицијата.
Планинарите ги затекнало невреме поради што ја минале ноќта надвор, на ниски температури и на височина од 3.200 метри.
Станува збор за група од вкупно 14 Италијанци, Германци и Французи кои ненадејно ги зафатила бурата, од кои едно лице починало за време на ноќта. Преживеаните биле префрлени со хеликоптер до локалната болница, каде во меѓувреме починале уште три лица.
