Славниот американски актер Мајкл Даглас и неговиот подеднакво славен татко Кирк Даглас, не само што имале завидни кариери, туку и среќа да уживаат во мирниот семеен живот.
И притоа не само што имаат добро здравје, туку се благословени и со долговечност, која на најстариот член, славниот 102-годишен актер Кирк Даглас, му ја подарила таа среќа да ужива како припадник на дури четири генерации.
Оваа голема среќа и богатство, Мајкл Даглас ја споделил со своите обожаватели на социјалните мрежи. Како што може да се види на фотографијата, тој насмеан позира со својот татко, Кирк (102), синот Камерон (40) и едногодишниот внук Лу.
Четирите генерации на семејството Даглас брзо успеале да ги разнежат обожавателите кои му се воодушевуваат на ова прекрасно семејство. Овојпат славниот актер го претставил машкиот дел од своето семејство, иако на фотографијата недостига 18-годишниот син Дилан на Мајкл што го добил со актерката Кетрин Зета-Џонс.
Синот Камерон е, исто така, актер, а Мајкл го добил во бракот со филмската продуцентка Диандра Лукер (63). Тој својот син Лу, четвртиот член на семејството, исто така, го добил во хармоничен брак со 41-годишната актерка со која се оженил пред три години.
ФОТО: Инстаграм/Принтскрин
