Четворица руски војници загинаа, а тројца други се ранети, при на напад на сириски бунтовнички борци во провинцијата Дејр ез-Зур во источниот дел на Сирија, соопшти денеска Министерството за одбрана на Русија.
Во соопштението се посочува дека руските војници загинале кога во текот на минатата ноќ „неколку мобилни групи на терористите извршиле напад врз артилериска батерија на сириските владини сили“.
Според Министерството, при нападот биле убиени двајца „руски советници“, а петмина други биле ранети. Ранетите „советници“ биле веднеш пренесени во руската воена болница, каде двајца од нив подоцна им подлегнале на здобиените повреди,
Во соопштението се посочува дека по нападот запонале борби, кои траеле околу еден час, при што „сириските војници заедно со руските советиници“ ликвидирале 43 бунтовнички борци и уништиле шест џипови на кои биле монтирани тешки пушкомитралези.
Руското Министерство не посочува за загуби во редовите на сириските владини сили при борбите.
Меѓутоа, Сирискиот центар за мониторинг на човековите права, со седиште во Лондон, соопшти дека при нападот и борбите загинале најмалку 26 припадници на Вооружените сили на Сирија и деветмина Руси, од кои сите не се војници.
Според директорот на Центарот, Рами Абдел Рахман, нападот се случил во близина на градот Мајадин,
