Четири лица денеска загинаа кога бомбаш самоубиец детонираше автомобил-бомба во истичноавганистанската провинција Газни, изјавија локалните власти, пренесува ДПА.
Во бомбашкиот напад во дистрикот Аб Банд има и 20 повредени, вклучувајќи ги и лидерите на дистриктот, членовите на провинцискиот Совет Хамидулах Навроз и Аманулах Камран, соопштија властите.
Талибанците веќе ја презедоа одговорноста за нападот.
Автомобилот-бомба бил насочен кон административната зграда, која е целосно уништена.
И покрај тековните разговори меѓу Американците и талибанците за изнаоѓање политичко решение на ситуацијата во земјата, милитантите постојано напаѓаат авганистански и меѓународни цели низ целата земја.
Милитантите веруваат дека воените придобивки можат да ја зајакнат нивната позиција во разговорите, додава ДПА.
