Три концентрирани центри за промоција на предностите за вложувања во Македонија наместо економски промотори или аташеа, најави денеска вицепремиерот за економски прашања Кочо Анѓушев
Центрите, како што рече Анѓушев, ќе бидат основани во САД, најверојатно на Источниот брег, во Германија во областа Западна Рајна Вествалија за да може да биде блиску и до Холандија и Белгија и Турција и ќе треба да ги промовираат Законот за поддршка на иневестициите и програмата и да нудат македонски производи.Центрите ќе работат во рамки на Дирекцијата за технолошки и индустриски развојни зони.
– Практично ќе отвориме канцеларии кои ќе бидат македонски претставништва за развојот на македонската економија и за привлекување на странски инвестиции, но и центри од каде ќе се нудат производи од македонската економија- рече Анѓушев на денешната прес-конференција на која беа промовирани инвестициите во патната инфраструктура годинава.
Анѓушев рече дека се напуштила идејата да се воспостават економски аташеа, бидејќи тие би требало да бидат дипломати и би биле сместени во амбасадите што не е целата на воведувањето на центрите за инвестициони вложувања во земјава.
