Египетските безбедносни сили извршиле масовни злоставувања на цивили во северниот дел на Синајскиот полуостров, од кои некои можат да се сметаат за воени злосторства, соопшти денеска организацијата Хјуман Рајтс Воч (ХРВ), повикувајќи ги останатите земји да ја запрат воената помош.
Египетските копнени и воздушни сили со години се борат против исламистичките бунтовници на Синај во судир кој е поттикнат од општата состојба на Блискиот исток и долготрајните занемарувања и угнетувања на сиромашните и изолирани региони од страна на државата, истакнува ХРВ.
Во извештајот на организацијата, безбедносните сили се обвинуваат за произволни апсења, вклучително и деца, за исчезнувања, мачења, вонсудски апсења, колективни казни и присилно иселување.
Иако египетската Влада, засега, нема реакција на извештајот, во минатото за обвинувања за кршење на човековите права одговори дека за совладување на Исламска држава и други џихадисти на територијата на Египет биле потребни остри безбедносни мерки.
Хјуман Рајт Воч соопшти дека нивниот извештај од 134 страници се темели на истражување спроведено од 2016 до 2018 година.
