Операторот на берзата во Хонг Конг, компанијата „Hong Kong Emerging End Clearing Limited“ (HKEX), денеска достави понуда до Лондонската берзанска група (ЛСЕ) за „спојување на двете компании“, а според договорот се проценува дека ЛСЕ ќе чини 29,6 милијарди фунти (36,6 милијарди американски долари).
– Управниот одбор на HKEX смета дека двете компании се многу комплементарни поради што со нетрпение очекуваат да работат со релевантните власти за да се отвори патот кон реализација на трансакцијата – се наведува во соопштението на операторот на Хонконгшката берза.
Како што е соопштено, соединувањето ќе ја зајакне деловноста на двете компании, подобро ќе се позиционираат на пазарите и во другите географски области, а на учесниците на пазарот и на инвеститорите ќе им се понуди неверојатна поврзаност на глобалниот пазар.
Од HKEX порачуваат дека трансакцијата ќе ја започнат преку комбинација на достапна готовина и преку нови кредитни механизми.
Веднаш по најновите вести, акциите на Лондонската берза скокнаа дури за 8,5 проценти за малку подоцна да изгубат дел од нивните првични придобивки.
