Во пожарите што ја зафатија Калифорнијa, уништени се и објекти каде што се снима серијата „Западен свет“, а пепелосан е и имотот каде што се снима реално шоу.
Шестотини километри појужно, во близина на Лос Анџелес, градот Малибу беше под тревога заради силен пожар. Неколку славни личности, од многуте кои живеат во таа област, морале да бидат евакуирани, меѓу кои биле старлетата Ким Кардашијан, актерката Алиша Милано и мексиканскиот режисер Гиљермо дел Торо.
Во пожарите била уништена и куќата на Кетлин Џенер, која преку Инстаграм објави иноформација во која потресно говореше за тоа како останала без домот. Преку Инстаграм се огласи и холивудскиот актер Вил Смит, кој е загрижен за својот имот и сними силен пожар и чад.
– Се плашам за својата куќа. Изгореа домовите на мои пријатели. Не можам да ја поднесам помислата дека ќе останам без својот дом во Малибу кој го имам од 1972 година – напиша на Твитер и пејачката Шер.
