Универзитетот каде студирала Меган Маркл, ја користи за да привлече студенти

Северозападниот Универзитет на Илиноис во САД, каде што студирала новата војвотка од Сасекс, Меган Маркл, го користи нејзиниот лик за да привлекува студенти.

– Можете да постигнете што ќе посакате, ако завршите на Северозападниот Универзитет, гласи слоганот на институцијата испишан покрај ликовите на Маркл и други успешни луѓе – поранешни студенти. Таа самата го носи епитетот хуманитарка и војвотка.

Новата припадничка на британското кралско семејство во 2003 година дипломирала на Колеџот за комуникации.