Канадскиот рапер Смоук Дог (21) е убиен во улична престрелка што се случила викендов во градот во којшто живее, Торонто, јавуваат локалните власти.
Смоук Дог е најпознат по преработката на хитот „Trap House”, за кој соработуваше со американската ѕвезда Френч Монтана, но и како член од придружната група на турнејата на Ар-ен-би пејачот Дрејк.
Дрејк, кој исто така е од Торонто, објави изрази на сочуство на Инстаграм, каде што под заедничка фотографија напиша: „Толку многу талент и толку многу приказни што никогаш нема да ги дознаеме“.
