Исплатата на субвенциите за тутунот од реколатата 2017. почнува денеска , соопшти Министерството за земјоделство, шумарство и водостопанство (МЗШВ).
-Над 23.400 тутунари ќе добијат повисоки субвенции за тутунот од реколтата 2017 година – информираат од Министерството.
Од Министерството појаснуваат дека годинава се постигна највисока просечна цена од 217,6 денари за килограм, додека со новиот начин на зголемено субвенционирање во три нивоа што почнува со реколтата 2017, за прва класа субвенцијата е 80 денари, за втора 70, а за третото ниво за трета и четврта класа како и за дополнителни класи е 60 денари, информира Министерството.
Целта на новиот модел на субвенционирање е да се поттикнат тутунарите да произведуваат поквалитетен тутун за да добијат повисока субвенција.
Тутунопроизводството во Македонија остварува девизен прилив од околу 100 милиони евра годишно.
