Мајкл Џеј Фокс (57) проговори за болеста, со која се бори веќе 30 години. На славниот актер му е дијагностицирана Паркинсонова болест на 29-годишна возраст, а тој признал дека морал да се подложи и на операција на мозокот за да го ублажи треперањето на делови на телото, што е еден од симптомите на таа болест.
– Засега е сè стабилно, но ако се влоши, наскоро можеби нема да можам да одам ниту да ги користам рацете – рекол актерот.
Мајкл почнал да ја губи рамнотежата, сè почесто паѓал, што и покрај неговиот ведар дух, нему му било во исто време и смешно, но и многу тешко, па поради серизоните проблеми, се подложил на операции, меѓу кои и на операција на ‘рбетот.
Мајкл Џеј Фокс е канадски актер, најпознат по своите улоги во трилогијата „Враќање во иднината“, „Семејни врски“ и „Лудиот град“.
