Американскиот претседател Доналд Трамп изјави дека планира да стави крај на преференцијалниот трговски договор со Индија, откако не успеа да обезбеди пристап на САД до пазарите на таа земја.
„Доставувам известување за намерата да го запрам одредувањето на Индија како земја во развој, корисник на програмата за Вкупен систем за повластувања“, наведе Трамп во писмо до Конгресот. „Го преземам овој чекор бидејќи Индија не ги увери САД дека ќе обезбеди фер и разумен пристап до пазарите во Индија”, додаде тој.
Во меѓувреме, Канцеларијата на американскиот трговски претставник издаде соопштение во кое се вели дека Вашингтон има намера да го прекине статусот на повластен трговски статус на Турција.
Photo: EPA / JIM LO SCALZO
