Американскиот претседател, Доналд Трамп, денеска изјави дека делумната блокада на сојузната Влада ќе трае сѐ додека не се исполни неговото барање за финансирање на изградбата на ѕид на границата со Мексико.
Трамп изјавата ја даде по видео конференцијата со американските војници во странство.
Во САД од саботатат делумно е блокирана работата на Владата по неуспешните преговори помеѓу републиканците и демократите и спорот за барањето на Трамп, Конгресот да додели пет милијарди долари за изградба на ѕид на границата со Мексико.
