Долгорочна стратегија за развој на агросекторот во земјата, посебно за сточарството и преработувачката индустрија, увозни олеснувања на суровини како и развој на професионално фармерство потоа изградба на системи за наводнување како и поддршка на компаниите во инвестирањето, бараат бизнисмените од земјоделскиот сектор за да можат да фатат приклучок со европското земјоделство.
Како што рече Васко Ристовски на денешната прес-конференција во Стопанската комора, со нивна реализација ќе се подобри состојбата во земјоделството пред почетокот на преговорите со Европската унија.
– Бизнисите во земјоделството најголем пороблем имаат со воведувањето на новите технологии. Затоа е потребно да се посвети внимание на технолошките иновации, дотолку повеќе што Европската унија во овој дел дава и најмногу пари – рече Ристовски.
Со почетокот на преговорите со Европската унија проблем ќе имаат и малите сточарски фарми.
– Бизнисмените предлагаат големите фарми да го откупат сточниот фонд од малите фарми Лимит, за успешни фармери и сериозно производство, предлагаат да биде најмалку 50 мајки по фарма што ќе овозможи стабилно производство и приходи – рече Ристовски.
Спроед него, важно е да се реализираат и барањата на бизнисмените кои се однeсуваат на климатските промени, а тука главен збор има изгрдбата на системи за наводнување и одводнување.
Државата, додава тој, мора да ја промени својата стратегија во насока на поддршка и развој на преработувачките капацитети во земјата.
– Потребни се вложувања и во преработувачките капацитети, како и конкретни мерки за финансирање во земјоделството главно во изградба на ладилници и магацини кои моментално секторот ги нема – информира Ристовски.
Бизнисмените од земјоделскиот сектор бараат и да се посвети внимание на агроекологијата, органското производство развојот на интелегентни села.
