Накит во вредност од 50 милиони фунти украден е од домот на Тамара Еклстон, ќерката на поранешниот директор на Формула 1, Берни Еклстон.
Накитот бил украден откако во петокот Тамара со својот сопруг и ќерката заминале на божиќен одмор.
Нејзиниот дом се наоѓа во паркот Хајд, а крадците влегле од градината и го ограбиле сефот кој се наоѓал во спалната соба.
Украдени се прстени, обетки и алка вредна 80.000 фунти, која ја добила како свадбен подарок.
Потпаролот на Тамара Еклстон ја потврди веста и додаде дека истрагата е во тек
– Тамара и семејството се потресени поради инцидентот, изјави потпаролот.
