Суданските власти објавија дека ќе ги пуштат на слобода сите луѓе уапсени за време на протестите против претседателот Омар ал-Башир.
Државната разузнавачка и безбедносна служба (НИСС) од почетокот на демонстрациите во декември уапси повеќе од 1.000 демонстранти, лидери на опозицијата, активисти и новинари.
– Шефот на НИСС издаде наредба за ослободување на сите лица уапсени за време на инцидентите – стои во соопштението на Министерството за информации.
Заменикот на началникот на суданскиот Генералштаб претходно изјави дека армијата е „подготвена да одговори на секоја закана“. Тоа беше прв пат од почетокот на протестите армијата да се огласи.
САД и ЕУ месецов го повикаа Судан да ги ослободи „арбитрарно“ уапсените активисти.
Ал-Башир, кој е на власт од 1989 година, ги отфрли барањата да поднесе оставка.
