Во Србија до денес не се пријавени случаи на заболени од коронавирус (КОВИД-2019), соопшти Министерството за здравство, кое двапати на ден ги ажурира информациите за вирусот.
Како што јави дописникот на МИА од Белград, до вчера во националната референтна лабораторија на Институтот Торлак тестирани се 25 лица за кои постел сомнеж дека го имаат вирусот, а примероците од сите тестирани биле негативни на коронавирус.
Министерството за здравство објави и видео снимка со информации за граѓаните за новиот коронавирус, во кое се потсетува дека симптомите на болеста се треска и кашлица, а за да се намали ризикот од инфекција потребно е сите да се грижат за личната хигиена и да ги следат упатствата на Министерството за здравство.
На граѓаните кои чувствуваат симптоми им се препорачува да останат дома, да не одат на јавни места, работа, училиште, градинка.
– Ако сте дојдени од Кина или северна Италија или друго жариште, контактирајте го Министерството за здравство. Останете дома 14 дена и намалете ги вашите контакти, се порачува во видеото.
За аптеките и здравствените установи во Србија ќе бидат набавени пет милиони хируршки маски, а здравствените власти планираат да ја ограничат нивната куповина, односно едно лице да може да купи неколку парчиња, пишува денешна „Политика“.
– Во државните аптеки имаше маски, но не и во сите приватни. Имаме доволно резерви за се што е потребно, доколку се појави коронавирусот, соопштија од Министерството за здравство.
Од Сојузот на приватните апотеки на Србија потенцираа дека нано-маските ко
