„Генерацискиот концерт” по повод 70 години постоење на АКУД „Мирче Ацев“ ќе се одржи на 10-ти декември во Националната Опера и Балет со почеток во 20 часот. На концертот учество ќе земат фолклорниот ансамбл, академскиот хор и народниот оркестар како и уметници кои твореле изминатите години во друштвото.
Академското културно-уметничко друштво Мирче Ацев е име кое седум децении е симбол на македонската култура и уметност, амбасадор и презентер на македонското хорско, драмско и фолклорно творештво. Седум децении е подвижен музеј на непроценливото македонско богатство, кое претставува историја, идентитет на македонскиот народ.
АКУД „Мирче Ацев“ е формиран од страна на Универзитетот „Св. Кирил и Методиј“ во Скопје во 1949 година како потреба на студентската младина да ги собира, негува и обработува македонското фоолкорно богатство, ората, песните, инструментите, богатите оригинални носии, македонскотоо хорско пеење и се’ со цел да го презентитра Универзитетот „Св. Кирил и Методиј“ во земјава и надвор од неа преку фестивали, концерти и други настани во областа на културата.
Билетите за концертот можете да ги набавите на следниве броеви: 02 30 66 808/ 070 279 948.
