Еден од најистакантите македонски композитори, Дуке Бојаџиев, кој долги години живее и работи во Њујорк, по две години повторно ќе настапи пред македонската публика со два концерти во Скопје на 11 и 12 мај во новиот објект на Македонската филхармонија.
Коцертниот настап ќе биде реализиран во соработка со Министерството за Култура и „3Гонга”. Во рамките на целовечерниот концерт насловен „ Сон верба љубов“, Бојаџиев ќе настапи со авторски материјал освежен со нови нумери од албумското издание Сон-Верба-Љубов, како и дел од неговото поново филмско творештво.
Дуке (пијано и вокал) ќе настапи со тим од врвни музичари. Покрај него, специјален гостин ќе биде Тијана Дапчевиќ, актерката Наташа Петровиќ – вокал и нарација, на кларинет Исмаил Лумановски, Костас Анастасиадис на тапани, Мартин Ѓаконовски на контрабас и стринг квартетот во состав: Владимир Крстев како виолина 1, Маја Ефремова Шеќерова како виолина 2, Марко Виденовиќ на виола и Марија Михајловска на виолончело.
