Од тропска температура во текот на целиот ден, попладнево Скопје беше зафатено од пороен дожд, силен ветер и град. Во некои делови од главниот град улиците се преплавени од наврнатиот дожд.
Синоптичари предупредија дека поради големата енергија во атмосферата можна е и изолирана појава на поинтензивни процеси во форма на невреме со град и силен ветер.
Според УХМР, сè уште има услови за изолирана појава на краткотраен пороен дожд и грмежи, наместа и во форма на невреме.
Услови за нестабилна облачност со пороен дожд, грмежи и засилен ветер ќе има и утре попладне.
