Скопските градинки од утово не смеат да примат деца кои не ја примиле МРП вакцината.
Забраната во градинките да се примаат невакцинирани деца од мали сипаници вчера ја донесоа здравствените власти откако деца заразени од морбили има во речиси сите скопски општини.
Во Скопје е прогласена епидемија на мали сипаници откако изминатите два дена биле регистрирани 12 случаи на морбили од кои 6 и официјално биле потврдени а за останатите денеска се чекаат лабораториските резултати.
Од Здравствениот санитарен инспекторат очекуваат градинките да ја почитуваат наредбата.
