Силен ветер вечерва прави хаос низ Скопје. Читатели информираат дека на Партизанска има откорнато дрва, а некои од нив завршиле и врз автомобили.
Во скопската населба Даме Груев силниот ветер откронал покриви, а кус период во населбата немало струја.
И жителите на Волково јавуваат во редакцијата дека неколку тополи се паднати, во близина на постојката на последната станица на 22-ка.
УХМР јави дека во вечерните часови почнувајќи од север облачноста ќе се зголеми и ќе има врнежи од дожд кои на места ќе бидат поројни. Ќе дува силен северен ветер што ќе услови нагло и значително опаѓање на температурата, па во втората половина од ноќта врнежите на повеќе места ќе преминуваат во снег.
