Се запалил автобус на ЈСП во Ѓорче Петров. Информацијата за Плусинфо ја потврдија од Министерството за внатрешни работи.
– Во 9.40 од Бригада за противпожарна заштита пријавено е дека имало пожар во двокатен автобусброј 5. Пожарот е целосно изгаснат и нема повредени – велат од МВР.
Според сведоштвото на возачот, еден од патниците што се возел на горниот кат,
алармирал дека се појавил чад. Возачот веднаш го застанал автобусот, ги симнал
патниците и се обидел сам да го изгасне пожарот со противпожарен апарат, но не
успеал, па ги повикал пожарникарите кои веднаш дошле на местото на настанот и
проширениот пожар го ставиле под контрола и го изгаснале.
Екипи на Министерството за внатрешни работи вршат увид на местото на настанот и ќе утврдуваат причините за пожарот.
Повеќе детали се очекуваат по увидот.
