Владата Тетово ќе даде мислење за седумте опции за развој на Попова Шапка кои се понудени во физибилтии студијата што ја презентира консултантската куќа Прајс Вотерс Хаус Куперс на вчерашниот настан во ски центарот.
– Физибилити студијата ни даде насоки кои ние како Влада ќе ги диксутираме со граѓаните и ЕСМ. Посочувам на три опции, една да има јавно приватно партнерство, втора концесија и трета потполна продажба на сместувачки и угостителски капацитети бидејќи работат со загуба. Идејата за јавно приватно партнерство е во оптек поради инвестициите што веќе ги правиме со патот – изјави министерот за економија Бектеши во Тетово каде што е на увид на неколку теренски активности.
Тој посочи дека во презентацијата е посочена и идејата за изградба на гондолна жичарница од Тетово до Попова Шапка.
– Според калкулациите на консултантите, изградба на гондола ќе чини 23 милиони евра. Наредната година ќе почнеме со проектирањето на гондолата што ќе чини 200 до 300 илјади евра, а потоа ќе одлучиме дали ќе одиме со јавно приватно партнерство или директна инвестиција на ЕСМ – рече Бектеши.
Целосната физибилити студијата ќе биде објавена на интернет страницата на Владата.
