Рускиот свештеник Сергеј Зотов е исфрлен од служба во Православната катедрала во Магнитигорск и префрлен во зафрлено село, откако неговата сопруга Оксана победила на натпреварот Мис на сексуалност.
На свештеникот му рекле дека неговата сопруга направила невиден скандал, а ќе се врати на служба во катедралата само доколку Оксана се покае за гревовите.
Зотов рекол дека сопругата знае каде згрешила , но атрактивната мисица не сака јавно да се покае и смета дека нема ништо лошо во изборите на убавина.
Свештеникот изјавил дека добива голем број закани од екстремните верници во неговото место. Од Руската црква не попуштаат во одлуката и бараат Оксана да ги отстрани и фотографиите на социјалните мрежи, на кои се фотографира со кратки фустанчиња и со длабоки деколтеа.
Свештеникот Феодор Сапарикин рекол дека е „голем грев жената на свештеник да се експонира поради забава“.
Како што рекол, Зотов „нема да биде рехабилитиран сè додека неговата сопруга не се покае“.
„Каков свештеник е тој кога не може да го контролира сопственото семејство“, навел тој.
ФОТО: Инстаграм/Принтскрин
