САД, почнувајќи од 23 август, ќе воведат царини од 25 отсто на кинески стоки во вредност од 16 милијарди долари, соопшти Канцеларијата на трговскиот претставник на САД.
Овие нови давачки се додаваат на веќе воведените на 6 јули 25 проценти царина за кинески стоки за вредност од 34 милијарди долари. Кина одговори со воведување царина за американски стоки со иста вредност.
Конечниот список за 25 процентни царина за кинески стоки за вкупно 50 милијарди долари содржи 279 артикли.
Двете најголеми светски економии се во трговски спор по обвинувањата на САД дека Кина користи агресивни тактики, вклучувајќи киберкражби.
