Русија ѝ помага на Кинa да направи систем за предупредување од ракетни напади, каков што моментално имаат само САД и Русија, изјави рускиот претседател Владимир Путин.
– Ние сега им помагаме на нашите кинески партнери да развијат систем за предупредување од ракетни напади. Ова е многу сериозна работа, која драматично ќе ги подобри одбранбените капацитети на Народна Република Кина, рече Путин на форум во Сочи.
Тој додаде и дека изгледа САД „најмалку неколку години“ работеле на развој на нова ракета, која потпаѓа под Договорот за нуклеарни сили со среден дострел, додека тој се уште бил во сила.
Путин на собирот говореше и за други теми, меѓу кои и ситуацијата во Персискиот Залив, Украина, Саудиска Арабија и Иран.
